ꌌꀨꏾꃅꄉꎴꇱꏓꄻꅇꈄ
ꀨꏾꌠꏓꂱꈄꏍꍏꇩꇭꍣꄈꈨꏀꈄꏍꎭꆹꁱꂷꀒꋤꁱꂷꊉꃶꇓꁱꂷꉳꌒꇻꁱꂷꍨꑣꁱꂷꍌꋇꁱꂷ

《ꍏꇩꇭꍣꄈꄈꏦ》  ꈬ꒾ꌠ  ꄈꊤ9

(ꍏꇩꇭꍣꄈꊰꏁꃢꌠꇩꏤꑭꊂꁧꎁ꒜ꀉꒉꈿꇬꄹꁆꄺꀱꄉ,2007ꈓ10ꆨ21ꑍꉌꃹꈴꄉꌠ)

  

【ꁱꂷꀉꒉꀄꊭꐨ ꀉꒉ ꐧꀠ ꀄꊭ】  ꍑꄻ
      
  
ꈬ꒾ꌠ ꄈꊤ


  ꇖꊰꃘꏢꌠ ꍏꑷꌋꆀꃅꄷꇬꇩꏤꌤꏲꅉ、ꏓꂱꏓꉻ、ꎆꏣꎀꍹ、ꁱꀕꎀꍹꅀꄈꎀꍹꀋꉬꌠꏲꂠꌤꃅꅉꈧꌠꇬꆏ,ꄈꊤꄻꉆ。ꄈꊤꆏꏲꂠꈯꌬꂿꄐꐥ。ꄈꊤꂿꃆꆹ,ꀋꉬꀋꉆꌠꆏꄈꅿꈛꏦ、ꌐꏦ、ꏱꁈꌫꄻꇫꑟꌶꌠꏲꂠ;ꊨꏦꌤꃅꅉꇬꌤꃆꀉꒉꀊꂾꌠꇕꄟꌋꆀꐰꏤ;ꇥꀯꏲꂠꌤꃅꋒ;ꇥꀯꌋꆀꉹꁌꄈꑼꀋꉬꌠꋯꑌꄉ,ꄈꌋꆀꇩꏤꏮꄀꇬꁳꌠꂿꃆꃅꇫꑟ;ꌤꏲꅉꇬꌋꆀꈛꎂꃅꏲꌠꌤꃅꅉꇬꄈꎀꍹꌤꃅꌠꇬꄐꇺ。

  ꇖꊰꏁꏢꌠ ꄈꊤꇬꐊꈧꌠꆏ,ꄈꊤꄻꄷꇫꈌꁧꈚꌠꇬꄈꎀꍹꁳꐰꏤꎻ。ꄈꊤꆏꎻꏹꐥꃅꄉ,ꄻꅐꑲꆏꃛꎻꏹꑌꐥꃅꄉꉆ。

  ꄈꊤꆏꀋꎪꃅꄈꎀꍹꇫꈌꁧꈚꌠꁳꇫꏲꂠꎻ。

  ꇖꊰꉆꏢꌠ ꐰꊐꌠꇩꏤꌤꃅꅉꇬꏓꋍꃱꃅꏲꂠꅉꈧꌠꇬꆏꄈꊈꄻꉆ,ꄈꊈꌋꅐꌠꏡꁈ、ꋍꌅꅍꌋꆀꌤꃅꂿꃆꆏ,ꍏꑷꁳꐚꀕꃅꐰꏤꎻ。

  
ꐱꀨ
ꋍ꒾ꌠ  ꄈꑼ
ꑍ꒾ꌠ  ꄈꅿꎀꍹꄹꏦ
ꌕ꒾ꌠ  ꄈꅿꍏꑷꎀꍹ
ꇖ꒾ꌠ  ꄈꅿꃅꄷꎀꍹ
ꉬ꒾ꌠ  ꄈꅿꅉꂫꊐꌠꎀꍹ
ꃘ꒾ꌠ  ꄈꅿꇥꀯ
ꏃ꒾ꌠ  ꄈꅿꍬꏦ
ꉆ꒾ꌠ  ꄈꅿꍬꏦꍤꄻꌤꏲꅉ
ꈬ꒾ꌠ  ꄈꊤ
ꊰ꒾ꌠ  ꄈꌋꆀꇷꁨꉪꏦꌠꏀꄨꐮꃆꂮ
ꊯꊪ꒾ꌠ  ꄈꌐꉻꄈꁈꁧ

ꁰꒌ




  • 特别鸣谢
    中国民族语文翻译局彝文翻译室