ꌌꀨꏾꃅꄉꎴꇱꏓꄻꅇꈄ
ꀨꏾꌠꏓꂱꈄꏍꍏꇩꇭꍣꄈꈨꏀꈄꏍꎭꆹꁱꂷꀒꋤꁱꂷꊉꃶꇓꁱꂷꉳꌒꇻꁱꂷꍨꑣꁱꂷꍌꋇꁱꂷ

《ꍏꇩꇭꍣꄈꄈꏦ》  ꇖ꒾ꌠ  ꄈꅿꃅꄷꎀꍹ4

(ꍏꇩꇭꍣꄈꊰꏁꃢꌠꇩꏤꑭꊂꁧꎁ꒜ꀉꒉꈿꇬꄹꁆꄺꀱꄉ,2007ꈓ10ꆨ21ꑍꉌꃹꈴꄉꌠ)

  

【ꁱꂷꀉꒉꀄꊭꐨ ꀉꒉ ꐧꀠ ꀄꊭ】  ꍑꄻ
      
  
ꇖ꒾ꌠ ꄈꅿꃅꄷꎀꍹ


  ꑍꊎꇖꏢꌠ ꄈꅿꌜ、ꊨꏦꏱꅉꐎ、ꎂꏲꏃꇬꁧꎁ꒜ꀉꒉꈿꌠ,ꐎꐛꌠꏃꌋꆀꊨꏦꏱꅉꍏꁧꎁ꒜ꀉꒉꈿꌠ,ꑤ(ꐕ)、ꊨꏦꏱꅉꑤ、ꐎꀋꐛꌠꏃꌋꆀꏃꏲꌠꐎꊐꌠꇬꁧꎁ꒜ꀉꒉꈿꌠꆏ,ꉬꈎꋍꈭꈿ。

  ꄈꅿꃅꄷꋍꊐꋑꀋꋒꌠꇬꁧꎁ꒜ꀉꒉꈿꌠꆹꋋꊐꄈꅿꊈꑼꉼꇳꍝꄉꈿꎻ。ꐛꐨꐋꀋꌡꄮꊝꇬꆏ,ꉎꊐꌠꊈꑼꉼꁳꈌꁧꄉꇈ,ꏛꃅꈿꅀꄯꊁꄉꈿꑌꉆ。

  ꄈꅿꃅꄷꋍꊐꋑꀋꋒꌠꇬꁧꎁ꒜ꀉꒉꃅꈿꇬꁧꎁꃷꁨꌋꆀꌊꄻꏡꁈꆏ,ꋋꊐꄈꅿꊈꑼꉼꁳꐰꏤꄉꇈ,ꄜꌊꄈꅿꊈꑼꉼꉎꊐꌠꁳꈌꁧꎻ。

  ꑍꊎꉬꏢꌠ ꄈꅿꃅꄷꋍꊐꋑꀋꋒꌠꇬꁧꎁ꒜ꀉꒉꈿꇬꌅꈌꆏ:

  (ꋍ)ꋋꊐꊈꑼꉼꅇꄜꌠꅱꄻ、ꍤꄻ;

  (ꑍ)ꋋꊐꍬꏦꍤꄻꊈꑼꉼꅇꄜꌠꅱꄻ、ꍤꄻ;

  (ꌕ)ꂱꑱꃅꄷꈍꈐꇬꌤꃆꀉꒉꀊꂾꌠꇕꄟꄷꀋꁧꌌꏤꐪꃅ;

  (ꇖ)ꋋꊐꄈꅿꊈꑼꉼꌊꄻ,ꋋꊐꄈꅿꍬꏦꍤꄻꊈꑼꉼꌊꄻ。

  ꑍꊏꃘꏢꌠ ꄈꅿꌜ、ꊨꏦꏱꅉꐎ、ꎂꏲꏃ、ꐎꐛꌠꏃꌋꆀꊨꏦꏱꅉꍏꊐꌠꊈꑼꉼꆏ,ꋍꈭꌠꉬꈎꏲ。ꊈꑼꉼꋋꈨꇬꊈꑼꌋꆀꄐꇱꊈꑼꆏꀋꎪꃅꄈꇬꃹꌠꉬꈎꈋꉐꐥꀐꌠꉬꌶ。

  ꄈꅿꑤ(ꐕ)、ꊨꏦꏱꅉꑤ、ꐎꀋꐛꌠꏃꌋꆀꏃꏲꌠꐎꇬꊈꑼꉼꆏ,ꋍꈭꌠꉬꈎꏲ。ꊈꑼꉼꋋꈨꇬꊈꑼꌋꆀꄐꇱꊈꑼꈧꌠꆏꀋꎪꃅꄈꇬꃹꌕꈎꈋꉐꐥꀐꌠꉬꌶ。

  ꄈꅿꃅꄷꋍꊐꋑꀋꋒꌠꇬꁧꎁ꒜ꀉꒉꈿꌠꀋꄸꄷꏛꃅꈿꅀꄯꊁꄉꈿꇬꆏ,ꋌꌊꄻꄉꌠꊈꑼꉼꏱꄮꑌꄚꐊꄉꄺꀱ。

  ꄈꅿꃅꄷꊈꑼꉼꋍꊐꋑꀋꋒꌠꇬꊈꑼꌋꆀꄐꇱꊈꑼꃷꁨꆏ,ꊈꑼꉼꉎꊐꌠꁳꏡꃏꄉꐰꏤꎻ。ꄈꅿꃅꄷꋍꊐꋑꀋꋒꌠꇬꊈꑼꉼꇬꊈꑼꃷꁨꀋꇎꇬꆏ,ꄐꇱꊈꑼꈧꌠꇬꀾꀉꑌꀁꑌꊌꐨꇬꉜꄉ꒾ꁨꃅꄻꇬꇯ。

  ꄈꅿꃅꄷꋍꊐꋑꀋꋒꌠꊈꑼꉼꐊꈴ꒜ꈿꌠꆏ,ꋍꈓꌠꀁꑌꐯꀁꑌꑌꑍꃢꈿꌶ。

  ꄈꅿꃅꄷꋍꊐꋑꀋꋒꌠꊈꑼꉼꁧꎁ꒜ꀉꒉꀋꈿꄮꇬꆏ,ꄈꎀꍹꉎꊐꌠꇬꄐꌐꎼꇁꌠꌋꆀꋋꊐꇬꄈꁧꎁ꒜ꀉꒉꈿꌠꏤꐪꃄꌬ、ꊨꏦꃅꄷꇬꌤꃆꏲꂠ,ꏤꄮꐥꃅꉎꊐꌠꄈꅿꊈꉼꏭꌤꃅꐨꄛꇰ。

  ꑍꊏꏁꏢꌠ ꄈꅿꃅꄷꋍꊐꋑꀋꋒꌠꊈꑼꉼꐊꈴꃅ꒜ꈿꇬꆏ,ꅉꀕꌤꏲꊈꑼꉼꌋꆀꎻꏹ、ꃛꎻꏹꌊꄻ,ꄷꀋꁧꄜꌊꉎꊐꌠꄈꅿꊈꑼꉼꁳꈌꁧꎻ。ꄈꅿꃅꄷꋍꊐꋑꀋꋒꌠꊈꑼꉼꇬꅉꀕꌤꏲꊈꑼꉼꆏ,ꊈꑼꉼꐊꈴꃅ꒜ꀋꈿꄮꇬꆏ,ꊈꑼꉼꌅꅍꌬ;ꊁꈭꌠꁧꎁ꒜ꀉꒉꈿꇰꊬꌠꇬꑌ,ꐪꊛꄉꌤꃅꌠꏱꇺ,ꃅꅷꊁꈭꌠꅉꀕꌤꏲꊈꑼꉼꀊꏀꈧꌠꌋꅐꇁꄮꇬꑟ。

  ꄈꅿꃅꄷꋍꊐꋑꀋꋒꌠꊈꑼꉼꇬꅉꀕꌤꏲꊈꑼꉼꆏꏤꄮꐥꃅꊈꑼꉼꐊꈴ꒜ꈿꌠꏭꌤꃅꅇꄛ,ꇬꁳꍞꊟꎻ。

  ꑍꊏꉆꏢꌠ ꄈꅿꄃꐎꊈꑼꉼꌋꆀꄃꐎꊈꑼꌋꆀꐯꌟꌠꎀꍹꆏ,ꄈꅿꌜ、ꊨꏦꏱꅉꐎꊈꑼꉼꇬꁆꌌꑤ、ꊨꏦꏲꌠꑤ、ꏃꈍꑋꂷꈍꈐꇬꄉꇫꁧꎁꃅꌤꃅꅉꉬ。ꋋꆹꌜ、ꊨꏦꏱꅉꐎꊈꑼꉼꏮꇬꁳꄉꌠꌅꈌꇬꈴꄉ,ꂱꑱꃅꄷꌤꃅꌠꏲꂠꌠꉬ。

  
ꐱꀨ
ꋍ꒾ꌠ  ꄈꑼ
ꑍ꒾ꌠ  ꄈꅿꎀꍹꄹꏦ
ꌕ꒾ꌠ  ꄈꅿꍏꑷꎀꍹ
ꇖ꒾ꌠ  ꄈꅿꃅꄷꎀꍹ
ꉬ꒾ꌠ  ꄈꅿꅉꂫꊐꌠꎀꍹ
ꃘ꒾ꌠ  ꄈꅿꇥꀯ
ꏃ꒾ꌠ  ꄈꅿꍬꏦ
ꉆ꒾ꌠ  ꄈꅿꍬꏦꍤꄻꌤꏲꅉ
ꈬ꒾ꌠ  ꄈꊤ
ꊰ꒾ꌠ  ꄈꌋꆀꇷꁨꉪꏦꌠꏀꄨꐮꃆꂮ
ꊯꊪ꒾ꌠ  ꄈꌐꉻꄈꁈꁧ

ꁰꒌ




  • 特别鸣谢
    中国民族语文翻译局彝文翻译室